Монгол шизофрени

Огтлохуй, оршихуйн чинадаас

Озох, олдохын билиг хүртэж ирсэн болохоор

Оршил үгүй би төөрчихсөн

Орчил үгүй би хөөгдчихсөн

Хаагдахуй, хашигдахуйн чинадаас

Харшилдахуй, хөнөөгдөхүйн мэдэл өвөртөлж гарсан болохоор

Харамсал үгүй би шулуудчихсан

Хариг үгүй би шийдчихсэн

Нээгдэхүй, нөлөөлөхүйн чинадаас

Нэмэгдэх, хасагдахын хувиарь хүртэж ирсэн болохоор

Нас үгүй би халиачихсан

Нар үгүй би хаширчихсан...

Өмнийн, дорнын уудам Монголын чинадаас

Өсгөлүүн, тохинуун сэтгэл өвөртлөж төрсөн болохоор

Өөрийн бодлыг нялзаах гэж зүтгэл үгүйгээр

Өвчүүн дотороосоо зөвхөн гомдолоо л хэллээ...